* تخيل لو...كل الناس إتساوت في فرص الحياه والفروق تتحدد على أساس القدرات الفرديه لكل شخص.
*تخيل لو...كل إنسان كان من حقه يختار أهله أو على الأقل يملك حرية إختيار الأشخاص اللي يعيش معاهم.
*تخيل لو...كل واحد فينا من صغره كان عارف طريقه وعارف هو عايز إيه ونفسه يعمل إيه في حياته.
*تخيل لو...كل إنسان فينا لقى الحب الحقيقي وأخد فرصته في إنه يعيش سعيد ويسعد شريك حياته.
*تخيل لو...كان في مساواه بين الرجل والمرأه وإعتراف حقيقي إن المرأه نص المجتمع.
*تخيل لو...كل الناس عرفت وفهمت يعني إيه إنسانيه ورقي في التعامل وفي نفس الوقت تبقى العلاقات بسيطه ومش معقده كده.
*تخيل لو...كل واحد عرف حدوده وماتكلمش عن غيره وماهتمش بتفاصيل حياة الآخرين.
*تخيل لو...كل أب وأم إجتهدوا فعلا في تربية أولادهم وحاولوا يفهموهم كويس ويصاحبوهم.
*تخيل لو...كل إنسان إحترم رأي التاني حتى لومختلف معاه.
*تخيل لو...كل ولد ماشي في الشارع عامل البنت على إنها أخته واحترم نفسه.
*تخيل لو...كل واحد بطل يفتي ويعمل نفسه فاهم كل حاجه في الدنيا وهو مش فاهم أي حاجه.
*تخيل لو...كلنا بطلنا نسبق الأحداث ونتسرع في الحكم على الناس.
*تخيل لو...بقينا مجتمع محترم متساوي معتدل مهذب إنساني وراقي وعايش فيه ناس بتقدر الفن والجمال..ناس راقيه ومحترمه وبتقدر الصداقه
......تخيل لو......
ليست هناك تعليقات:
إرسال تعليق